Isko Mohabbat Mat Kehna...!!

Tumara dekhna hum ko,

humara yun he ruk jana,

bina koi sada de k,

sada si hum ko de jana,

kabi jab sham dhalti ho,

tumara chat pe aa jana,

kabi hum ko bina matlab,

koi ik khawab de jana,

wo tuj ko dekh k meri,

zuban ka bund ho jana,

tu chahat hai nazar ki par,

nazar ka phr b juk jana,

tuje khawabon main rakh lena,

kitabon par tuje likhna,

tera ik naam sun kar,

sari dunya bhool jana,

mohabbat isko mat kehna,

tasalsul toot jaey ga...