Yaad aa gaya hai

baharhon ko chaman yaad aa gaya hai
Baharhon ko chaman yaad aa gaya hai
mujhe woh gulbadan yaad aa gaya hai
lachakti shaakh ne jab sir uthaya
kissi ka baankpan yaad aa gaya hai
meri khaamoshion pe hansnay walo
mujhe woh kam sukhan yaad aa gaya hai
kissi ka khoobsurat sher sun kar
tera lutf-e-sukhan yaad aa gaya hai
millay woh ajnabi ban kar to `Riffat `
zamanay ka chalan yaad aa gaya hai ..