Resham zulfon

Resham zulfon, neelam aankho waly achy lgty hain,
Main shaair hon mujh ko ujley chehry achy lgty hain,

Tum khud socho, aadhi rat ko thandy chaand ki chaao me,
Tanha raaho par hum dono kitney achy lgty hain!

Aakhir aakhir sachey qaoul bhi chubhty hain dil walo ko,
Pehly pehly pyar k jhooty waady achy lgty hain,

Jab se wo pardes gya hy shehr ki ronaq rooth gai,
Ab to apny ghar k band darechy achy lgty hain,

Kaali raat mai jagmag krty taary kon bujhata hy?
Is dulhan ko ye moti ye gehny' achy lgty hain,
Kal us roothy roothy yaar ko dykha to mehsoos hoa,
MOHSIN ujly jism pe mailey kapry achy lgty hain.


Wa§¡M