Main Aiyna Tha Woh Mera Khayal Rakhti Thi..!!

Main aiyna tha woh mera khayal rakhti thi,

main toot'ta tha to chun chun kar sambhal rakhti thi,

har aik maslay ka hal nikal rakhti thi,

zaheen thi mujhe hairat main daal rakhti thi,

main jab b takr-e-taulaq ki baat karta tha,

wo rokti thi mujh ko kayi pal taal rakhti thi,

wo meray dard ko chunti thi apni pooron say,

wo mairay waste khud ko nidhaal rakhti thi,

woh dubnay nhn deti thi dukh kay darya main,

mairay wajood ki naow uchaal rakhti thi,

duaen uski balaoon ko rok leti thi,

wo mairay chaar so hathon ki dhaal rakhti thi,

ik aisi dhun kay nhn phir kabi main nay suni,

woh munfarid sa hansi main kamal rakhti thi,

usay nadamatain meri kahan gawara thi,

woh mairay waste asan sawal rakhti thi,

bichar k us say main dunya ki thokaron main hon Mohsin,

wo paass thi tay mujhay lazwaal rakhti thi...