Kab Yaad Main Tera Sath Nahi

Kab Yaad Main Tera Sath Nahi..!!

Kab Yaad Main Tera Sath Nahi
Kab hath main tera hath nahi,
sad shuker ki apni raaton main,
ab hijar ki koi raat nahi,
mushkil hain agar halaat wahan,
dil beech aayen jaan dey ayen,
dil walo kocha-e-jaana main,
kia aise b halaat nahi?
jis dhaj se koi maqtal main gaya,
wo shaan salaamat rehti hai,
yeh jaan to aani jaani hai,
iss jaan ki koi baat nahi,
medaan-e-wafa darbaar nahi,
yahaa naam-o-nasab ki pooch kahan,
aashiqi to kisi ka naam nahi,
kuch ishq kisi ki zaat nahi,
gar bazi ishq ki bazi hai,
jo chaho laga do dar kaisa,
gar jeet gaye to kia kehna,
haarey b bazi to maat nahi....

Kab Yaad Main Tera Sath Nahi...