Mere muqaable mein

Mere muqaable mein dil kisi pe haar k dekh,
Baghair mere Zara zindgi guzar k dekh!
Tujhe nahi hay meri shiddaton ka andaza,
kisi bhi simt se mujhko kabhi pukaar k dekh!
Tu aa k mera sab kuch he chheen k le ja,
Mohabaton ka meri Qarz yun utaar k dekh!
Bohat he pyar se dekhega aayina tujhko,
kisi k waaste khud ko kabhi sanwaar k dekh!
Bisaat e dil pe ajab hay shikast e zaat ka lutf,
Jahan pe jeet attal ho wo chaal haar k Dekh..!!