sunaa hai log use aa.Nkh bhar ke dekhate hai.n
sunaa hai log use aa.Nkh bhar ke dekhate hai.n
so us ke shahar me.n kuchh din Thahar ke dekhate hai.n
sunaa hai rabt hai us ko Kharaab haalo.n se
so apane aap ko barbaad karake dekhate hai.n
[rabt=closeness/relation]
sunaa hai dard kii gaahak hai chashm-e-naazuk us kii
so ham bhii us kii galii se guzar kar dekhate hai.n
[gaahak=customer]
sunaa hai us ko bhii hai sher-o-shaayarii se shagaf
so ham bhii mojaze apane hunar ke dekhate hai.n
[shagaf=passion]
sunaa hai bole to baato.n se phuul jha.Date hai.n
ye baat hai to chalo baat kar ke dekhate hai.n
sunaa hai raat use chaa.Nd takataa rahataa hai
sitaare baam-e-falak se utar kar dekhate hai.n
sunaa hai hashr hai.n us kii Gazaal sii aa.Nkhe.n
sunaa hai us ko hiran dasht bhar ke dekhate hai.n
sunaa hai din ko use titaliyaa.N sataatii hai.n
sunaa hai raat ko jugnuu Thahar ke dekhate hai.n
sunaa hai raat se ba.Dh kar hai.n kaakule.n us kii
sunaa hai shaam ko saaye guzar ke dekhate hai.n
sunaa hai us kii siyaah chashmagii qayaamat hai
so us ko surmaafarosh aa.Nkh bhar ke dekhate hai.n
sunaa hai us ke labo.n se gulaab jalate hai.n
so ham bahaar par ilzaam dhar ke dekhate hai.n
sunaa hai aa_iinaa tamasaal hai jabii.n us kaa
jo saadaa dil hai.n ban sa.Nvar ke dekhate hai.n
sunaa hai jab se hamaa_il hai.n us kii gardan me.n
mizaaj aur hii laal-o-gauhar ke dekhate hai.n
[hamaail=something to wear around the neck]
sunaa hai chashm-e-tasavvur se dasht-e-imkaan me.n
palang zaave us kii kamar ke dekhate hai.n
[zaave=angles]
sunaa hai us ke badan ke taraash aise hai.n
ke phuul apanii qabaaye.N katar ke dekhate hai.n
vo sarv-qad hai magar be-gul-e-muraad nahii.n
ke us shajar pe shaguufe samar ke dekhate hai.n
[sarv-qad=tall and graceful; shaguufe=bud; samar=fruit]
bas ek nigaah se luTataa hai qaafilaa dil kaa
so rah_ravaan-e-tamannaa bhii Dar ke dekhate hai.n
[rah_ravaa.N=travellers]
sunaa hai us ke shabistaan se muttasil hai bahisht
makiin udhar ke bhii jalve idhar ke dekhate hai.n
[shabistan=bedroom; muttasil=near; makiin=tenant]
ruke to gardishe.n us kaa tavaaf karatii hai.n
chale to us ko zamaane Thahar ke dekhate hai.n
kise nasiib ke be-pairahan use dekhe
kabhii kabhii dar-o-diivaar ghar ke dekhate hai.n
[be-pairahan=without clothes]
kahaaniyaa.N hii.n sahii sab mubaalaGe hii sahii
agar vo Khvaab hai taabiir kar ke dekhate hai.n
[mubaalaGe=beyond one's limits]
ab us ke shahar me.n Thahare.n ki kuuch kar jaaye.N
'Faraz' aao sitaare safar ke dekhate hai.n..
- Ahmed Faraz Lil poetry
- Little urdu poetry
- Ahmad Faraz
- Sad love pictures
- Alone pictures
- Faiz Ahmed Faiz
- Love pics
- Eyes Pics
- Urdu Poems
- King Khan
- Funny
- Ajnabi
- Benazir Bhutto
- Ek Pagal Si Larki
- Muje Chahiye..
- My own poems
- Nasir Kazmi
- Priyanka chopra
- Wasi Shah
- ''
- ''UDAAS RAAT''
- Aaj Apni Mohabbat Ko Naya Mor
- Aata Hai Yaad Mujhko Guzra Howa Zamana
- Abhi Urooj Par Hai Tumhara Mausam
- Adeem Hashmi
- Ahmad Hamdani
- Ahmed Faraz
- Ahmed Mushtaq
- Ahmed Nadeem Qasmi
- Ajab Pagal Si Larki Hai
- Alls are the Best
- Amina Haq Paki Model :)
- Amrita aroa.. indian herion
- Ana Meri Qabar Par Do Phool Chara
- Baat Pholon Ki Suna Karte They
- Barson K Baad Dekha Ik Shakhs
- Bicharne Waley Ka ab Tak Malaal Karte Ho
- BirthdayText
- Blind Girl
- Chaley Jaaney ke baad
- Chand Saja
- DIL
- Dekha Palat k Usne
- Dekhna Hai Wo Mujh Par Meharbaan Kitna Hai
- Doctor Abdul Qadir Khan
- Esha Deol
- Garmi-e-Hasrat-e-Nakaam Se jal Jatey Hain
- Haal E Dil
- Hai Dua Yaad Magar
- Hairton k Silsily
- Hamara Yeh Salam Tumko Akhri Hai
- Is Shart Pe Khelon Gi Piya Pyar Ki Bazi
- Jahan Pholon Ko Khilna Tha
- Jane Lage Tere Shehar Se To Tujhe Alwida
- Jo Chala Gaya Mujhe Chor k
- KHUDAAR
- Kaanch Ki Choori
- Kab Yaad Main Tera Sath Nahi
- Kajol
- Kash Khawabon Main Hi Aa Jao
- Kash Main Tere Haseen Hath ka Kangan Hota
- Kiss text
- Lab Pe Aati Hai Dua Ban K
- Lafz Tooty Lab E Izhaar talak
- Main Aiyna Tha Woh Mera Khayal
- Malika sherawat
- Mix
- Mohabbat Ki Kitaabon Ka Abi Mausam
- Mohabbat Ko Koi Zawaal Nahi
- Mohsin Naqvi
- Munsifon Salibon Par Faisle Nahi Hotey
- Muskrana Apni Taqdeer Nahi
- Na Kisi Kii Aankh Ka Noor Hoon
- One night a girl and boy were going in the car.
- Punjabi
- Raston Main Bus Dhuan Dhuan Sa Hai
- Rooh-b-Rooh Dar
- Rudaad e Mohabbat
- Rulane Waley to Sabhi miley
- Sad Pics
- Sagar Siddiqi
- Saraapa Ashk Hon
- Sari Raat Ki Jaagi Ankhen
- Seenay Se Lipat Ja Mere Khawabon Se Nikal Kar
- Subha Hotey Hi Tere Shehar Se
- Tenu Yaad Hosi
- Teri Mushkil Na Barhao Ga Chala Jaon Ga
- Teri Yaad Aati Hai
- Tu ne Na Chaha To Mar Jaonga
- Tuje Chaha
- Tum Aao to Hum Eid Karen
- Tumahri Yaad K Manzar
- Tumara Khat Mila Jana
- Tumhary Khat Main Naya Ik Salam
- Udas Main Tha Sara Shehar Roney Laga
- Us ki Ankhon Main Ya Mujh Main
- Usey Jab Yaad Aayega
- When I M DeaD
- When I See YoU
- Wo Jazbon Ki Tijarat Thi
- Wo Mujhe Mehndi Lage Hath Dikha Kar Royi
- Wo Titli Thi Usey Urh Jana Tha
- Woh Jazbon Ki Tijarat Thi
- Yaar kisi qatil se kabhi pyaar na mango
- Yeh Kis Khalish Ne
- Yeh Yad Nahi Kab Pyaar Howa
- Yeh thi meri zindgi
- i love you
- loog
- miss you pictures
- saaGar se lab lagaa ke bahut Khush hai zindagii
Followers
Categories
Blog Archive
Sponsored Links
No comments:
Post a Comment