Teri Yaad Aati Hai...!!

jab yoon hi kabhi beethay bethay

kuch yaad achanak aa jay

her baat pay dil bezar sa ho

her cheez ae dil ghabra jay

kerna bhi mujhe kuch aur hi ho

kuch aur hi mujh se ho jaye

kuch aur hi soochoon main dil main

kuch aur hi hootoon pay aa jaye

aise hi kisi ik lamhay main

chupkay se kabhi khamooshi main

kuch phool achanak khil jain

kuch beetay lamhay yaad aain

us waqt teri yaad aati hai

jab chandni dil k aangan main

kuch kehnay mujh se aa jaye

aik khabeeda se chootay koi

ehsaas pay meray chaa jaye

jab zulf pareshan cehehray per

kuch aur pareshan ho jaye

kuch dard bhi dil main honay lagay

aur saans bhi bhoojal ho jaye

aise hi kisi ik lamhay main

chupkay se kabhi khamooshi main

kuch phool achanak khil jain

jab shaam dhalay chaltay chaltay

manzil ka na koi naam milay

hansta hua ik aagahaz milay

roota hua ik anjaam milay

palkoon k laraztay ashkoon se

is dil ko koi peeghaam milay

aur sari wafoon k badlay

mujh ko hi koi ilzaam milay

aise hi kisi ik lamhay main

chupkay se kabhi khamooshi main

kuch phool achanak khil jain

kuch beetay lamhay yaad aain

us waqt teri yaad aati hai
shiddat se teri yaad aati hai ..