Munsifon Salibon Par Faisle Nahi Hotey..

munsifon saliibon par faisale nahiin hote


munsifon saliibon par faisale nahiin hote
besabab baGaavat ke saanahe nahiin hote

jhuuTh aur sadaaqat kii jang to azal se hai
phir bhii sach pe jiine ke hausale nahiin hote

soch ke judaa honaa phir ke mil na paayenge
kyon ke is zamaane mein mojeze nahiin hote

jo bhii the gile shikave duur kar ke jaanaa thaa
kam se kam bichhaDane par dil bure nahiin hote

chaa.Nd se kahaa ham ne tum hii raat bhar jaago
ham se us kii yaadon mein rat_jage nahii.n hote..